Shareefa, MariyamMoosa, VisalMohamed, AhmedReesha, AishathAli, Agisa2024-09-302024-09-302020https://hoba.ium.edu.mv/handle/1/2061އެބްސްޓްރެކްޓް މި ޒަމާނުގައި ބާރުއަޅަނީ އެއް ގްރޭޑެއްގެ ހުރިހާ ފަންތިއަކާއި ގިންތިއެއްގެ ދަރިވަރުންނަށް އެއް ކުލާހެއްގައި، ޝާމިލުކޮށްގެން އުނގަންނައިދިނުމަށެވެ. މިފަދަ ކުލާހެއްގެ ދަރިވަރުންގެ މެދުގައިވާ ޖިސްމާނީ، ނަފްސާނީ، ފިކުރީ، އަދި މިނޫންވެސް ގިނަގުނަ ތަފާތުތަކަށް ރިޢާޔަތްކޮށްގެން އުނގަންނައިދިނުމަށް ބޭނުންކުރެވޭ އެއް ފަލްސަފާއަކީ ޑިފަރެންޝިއޭޓަޑް އިންސްޓްރަކްޝަންގެ ފަލްސަފާއެވެ. މި ދިރާސާގެ މަޤުޞަދަކީ، މުދައްރިސުން އެބައިމީހުންގެ ކިޔަވައިދިނުމުގައި ޑިފަރެންޝިއޭޓަޑް އިންސްޓްރަކްޝަން ބޭނުންކުރާ މިންވަރު ދެނެގަންނާނޭ ސުވާލުކަރުދާހެއް ތައްޔާރުކޮށް ވެލިޑޭޓްކުރުމެވެ. މި ދިރާސާގައި ވެލިޑޭޓްކުރި ސުވާލުކަރުދާހުގައި ހިމަނާފައިވާ ސުވާލުތަކަކީ، މީގެ ކުރިން އިނގިރޭސިބަހުން ކުރެވިފައިވާ ބައެއް ދިރާސާތަކުގައި ބޭނުންކޮށްފައިވާ ސުވާލުތަކެކެވެ. މި ދިރާސާއަށް ޑާޓާ އެއްކުރީ ދިވެހިރާއްޖޭގެ ސްކޫލުތަކުގައި މަސައްކަތްކުރާ 507 މުދައްރިސުންގެ ފަރާތުންނެވެ. މިގޮތުން އެއްކުރެވުނު މަޢުލޫމާތު ތަހުލީލުކުރީ އީ.އެފް.އޭގެ ފިޔަވަޅުތަކާ އެއްގޮތަށް، އެސް.ޕީ.އެސް.އެސް ބޭނުންކޮށްގެންނެވެ. މި ދިރާސާގެ ނަތީޖާއިން އެނގުނުގޮތުގައި ދިވެހިރާއްޖޭގެ މަދަރުސާތަކުގައި އުނގަންނައިދިނުން ޑިފަރެންޝިއޭޓްކުރާ މިންވަރު ދެނެގަތުމަށްޓަކައި ތަފާތު 6 ގިންތިއަކަށް ބަލަންޖެހެއެވެ. އެއީ، އުނގަންނައިދިނުމުގެ ގޮތްތައް، އުނގެނުނު އެއްޗެއް ހުށައަޅާ ގޮތް، ވަޒަންކުރުން، އުނގެނުމުގެ ވެށި، އުނގަންނައިދޭ ތަކެތި، އަދި އުނގެނުމަށް ދޭ ވަގުތު މިއެވެ. މި ދިރާސާގައި ވެލިޑޭޓްކުރެވުނު ސުވާލުކަރުދާހަކީ ކުރިމަގުގައި ދިރާސާގެ ބޭނުމަށާއި ތަޢުލީމީ ސިޔާސަތުތައް އެކުލަވާލުމަށް މަޢުލޫމާތު އެއްކުރުމުގައި ބޭނުންކުރެވޭނެ ސުވާލުކަރުދާހެކެވެ.pdfDhivehiތަޢުލީމު | Education